अभिनवमध्ये स्कूल मध्ये”अभिनव भक्तीरंग”मधून विद्यार्थ्यांनी सादर केला भक्तिरसाचा सोहळा.

अभिनवमध्ये स्कूल मध्ये

“अभिनव भक्तीरंग”मधून विद्यार्थ्यांनी सादर केला भक्तिरसाचा सोहळा.
                                       विद्याथ्यांनी स्वतः बनवलेली आणि फुलांनी सजवलेली माऊलीची पालखी.. पारंपरिक पोशाख..हाती भगव्या पताका घेऊन “जय जय राम कृष्ण हरी” निवृत्ती, ज्ञानदेव, सोपान, मुक्ताबाई, एकनाथ, नामदेव, तुकाराम”असा अखंड विठूनामाचा, संत नामाचा गजर करत भक्तिमय वातावरणात आंबेगाव येथील अभिनवच्या संकुलामध्ये *पालखी सोहळा* साजरा केला.
 
आंबेगाव बु ||येथील अभिनव एज्युकेशन सोसायटीच्या इंग्लिश मिडीयम स्कूल आणि ज्युनिअर कॉलेजमध्ये आषाढी एकादशीनिमित्त पालखी सोहळ्याचे आयोजन करण्यात आले.पूर्व प्राथमिक,प्राथमिक,माध्यमिक विभागाच्या विद्यार्थ्यांच्या आणि पालकांच्या उपस्थितीत हरिनामाच्या जयघोषात अभिनव चा परिसर दुमदुमून गेला. कार्यक्रमाची सुरुवात सेक्रेटरी सुनीता जगताप आणि प्राचार्या वर्षा शर्मा यांच्या हस्ते आणि चिमुकल्या वारकऱ्यांच्या उपस्थितीत पांडुरंगाची पाद्यपूजा करून विठू माउलींच्या आरतीने झाली. यावेळी माध्यमिक विभागाच्या विद्यार्थिनींनी “माऊली माऊली “या गीतावर पर्जन्य सरींच्या वर्षावात बहारदार नृत्य सादर केले. .संगीत विभागाच्या गायन वादनातील निपुण विद्यार्थ्यांनी विविध अभंग ,भक्तिगीते, गवळणी सादर करून भक्तिभावाने विठूमाऊलीला साद घातली. ज्ञानदा कुलकर्णी आराध्य रावळ रुद्र पाटसकर, रुद्रा मांढरे या गायक वृंदांनी सादर केलेल्या “निजरूप दाखवा हो, , जगी जीवनाचे सार, देव माझा विठू सावळा…”या अभंगाला उपस्थित विद्यार्थ्यांनी,पालकांनी भरभरून प्रतिसाद दिला तर आराध्य रावळ यांनी गायलेला ‘देह विठ्ठल विठ्ठल झाला’ या भक्तीगीताने कार्यक्रमाला बहार आणली. अभिनव भक्तीरंग”साठी संगीत विभाग प्रमुख बिपीन इथापे, संगीत शिक्षक सिद्धेश भोयार आणिअस्मित चव्हाण यांचे बहुमूल्य मार्गदर्शन लाभले.कार्यक्रमाचे सूत्रसंचालन अक्षरा वरघडे, देवांशी बुगड,श्रुती जाधव व आकांक्षा गुंड या विद्यार्थ्यांनी केले. पसायदानाने कार्यक्रमाची सांगता झाली.अभिनव स्कूलने आयोजित केलेल्या आगळ्या वेगळ्या पालखी सोहळ्याचे उपस्थित सर्व पालकांनी भरभरून कौतुक केले,यावेळी संस्थेचे संस्थापक अध्यक्ष राजीव जगताप,उपाध्यक्ष संजीव जगताप, सेक्रेटरी सुनीता जगताप, सहसचिव निर्मोही जगताप,समन्वयक डॉ.सविता शिंदे, प्राचार्या वर्षा शर्मा,प्राथमिक विभागाच्या मुख्याध्यापिका मनीषा शिंदे , पालक विद्यार्थी मोठ्या संख्येने उपस्थित

Yoga Day

अभिनवमध्ये आंतरराष्ट्रीय योग डे उत्साहात साजरा 85 वर्षाच्या आजीबरोबर केली योगाची प्रात्यक्षिके

अभिनवमध्ये आंतरराष्ट्रीय योग डे उत्साहात साजरा
85 वर्षाच्या आजीबरोबर केली योगाची प्रात्यक्षिके
ऊन पावसाचा योग संगम अनुभवत ८५ वर्षाच्या आजीसोबत योगाची वेगवेगळी प्रात्यक्षिके विद्यार्थ्यांनी केली.
 आंबेगाव बु येथील अभिनव एज्युकेशन सोसायटीच्या इंग्लिश मिडीयम स्कूल आणि जुनिअर कॉलेजमध्ये पूर्व प्राथमिक विभागा पासून जुनिअर कॉलेजपर्यंतच्या जवळजवळ 2590 विद्यार्थ्यांच्या उपस्थितीत योगा डे उत्साहात साजरा करण्यात आला.यावेळी संस्थापक
राजीव जगताप म्हणाले कि, शरीराला सुदृढ बनवण्यासाठी योगासन आणि प्राणायाम आवश्यक आहे.तसेच भविष्यात उद्भवणाऱ्या अनेक आजारांवरील रोगप्रतिबंधक लस आहे.जगातील सर्वात तरुणसंख्या असलेला भारत देश निरोगी होण्यासाठी आणि आपली रोगप्रतिकार शक्ती वाढवण्यासाठी प्रत्येकाने दिवसातील काही वेळ योगाभ्यासासाठी देण्याची गरज व्यक्त केली.  
       आधुनिक जीवनशैलीमुळे अनेक प्रकारच्या मानसिक आणि शारीरिक व्याधींना सामोरे जावे लागत आहे आज आमच्यासारख्या तरुणांना योगदिनानिमित्त केलेले मार्गदर्शन आणि जीवनातील योगाचे महत्व्व पटल्यामुळे बिघडलेले संतुलन सावरून सक्षम व्यक्तिमत्व बनण्यासाठी आणि रोग प्रतिकार शक्ती वाढवण्यासाठी नक्कीच प्रेरणा मिळाल्याची भावना एन एन एस विद्यार्थ्यांनी व्यक्त केली.कार्यक्रमाचे आयोजन सर्व क्रीडा शिक्षकांच्या आणि इतर शिक्षकांच्या साहाय्याने केले.अष्टांग आयुर्वेद च्या नूतन कुलकर्णी आणि त्यांच्या सहकाऱ्यांनी लाइव्ह विविध योग प्रात्यक्षिक आणि झुंबा यासंबंधी विद्यार्थ्यांना सूचना दिल्या आणि विद्यार्थ्यांनी त्यांचे अनुकरण केले. 
यावेळी संस्थेचे संस्थापक अध्यक्ष राजीव जगताप ,सेक्रेटरी सुनीता जगताप,सहसेक्रेटरी निर्मोही जगताप ,प्राचार्या वर्षा शर्मा,उपस्थित होते.

Abhinav Digital Detox Carnival

अभिनवमध्ये भव्य 'डिजिटल डिटॉक्स कार्निवल'चे आयोजन: विद्यार्थ्यांनी लुटला पत्रलेखन, कॅलिग्राफी,वारली पेंटिंग चा आनंद
पुण्यात पहिल्यांदाच एखाद्या शाळेमध्ये अशा विविध प्रकारच्या कार्यशाळेचे एकाच वेळी आयोजन
 
आंबेगाव येथील अभिनवच्या शैक्षणिक संकुलामध्ये 
आनंदाने, सर्जनशीलतेने भरलेल्या विविध प्रकारच्या कार्यशाळेचे एकाच वेळी आयोजन करण्यात आले आहे.यामध्ये पत्रलेखन, कॅलिग्राफी,
वारली पेंटिंग, कलरिंग 
टॅटू ,मेहंदी , संगीत : (कराओके गायन, तबला आणि पियानो वादन, नृत्य कार्यशाळा),पूर्व प्राथमिक विभागाच्या वतीने ‘समुदाय मदतनीस दिन,’ शाळेतील महिला पालकांसाठी ‘हळदी कुंकू’ त्याचबरोबर शाळेतील विद्यार्थ्यांच्या घरातील ई-कचरा एकत्र करण्यात आला ,त्याच बरोबर माइंड गेम, वैज्ञानिक आणि सामाजिक शास्त्राचे उपक्रमाचेही आयोजन करण्यात आले. या सर्व कार्यशाळांचा विद्यार्थी व पालकांनी मनमुराद आनंद घेतला.
     कार्यक्रमाची सुरुवात आंबेगाव पोस्ट ऑफिसच्या पोस्टमास्तर सुवर्णा भांडवलकर यांच्या हस्ते आणि झाकीर मुलाणी आणि सुनील जगताप या पोस्टमन काकांच्या उपस्थितीत करण्यात आली.यावेळी विद्यार्थ्यांना पोस्ट कार्ड देऊन त्यांना लिहायला सांगून ती पोस्ट कार्ड्स विद्यार्थ्यांनीच बनवलेल्या पोस्ट पेटीमध्ये टाकण्यात आली. सोशल मीडियाच्या आहारी गेलेल्या आधुनिक विद्यार्थ्यांना पत्रलेखन कला काय असते? हे समजावे हा या उपक्रमाच्या मागचा उद्देश होता.या उपक्रमाला पालकांनी भरघोस प्रतिसाद दिला. यावेळी संस्थापक राजीव जगताप, सेक्रेटरी सुनीता जगताप, सह सेक्रेटरी निर्मोही जगताप, समन्वयक डॉ. सविता शिंदे प्राचार्या वर्षा शर्मा, प्राथमिक विभागाच्या मुख्याध्यापिका मनीषा शिंदे उपस्थित होत्या. हा उपक्रम सर्व शिक्षकांच्या मार्गदर्शनाखाली विद्यार्थ्यांच्या आणि चतुर्थशश्रेणी कर्मचाऱ्यांच्या सहकार्याने यशस्वीरित्या राबवण्यात आला.
फोटो ओळ: आंबेगाव येथील अभिनवच्या शैक्षणिक संकुलामध्ये पोस्ट मास्तर सुवर्णा भांडवलकर यांनी पत्रलेखना विषयी मार्गदर्शन केले